Jubileumskonsert

14. november - Ein kjekk konsert der me følte musikken samla sett vart bra levert til publikum som hadde funne vegen denne laurdags ettermiddagen. Det var stolar ledige, så synd ikkje fleire fekk det med seg, tykkje me :)

2 dirigentar frå farne tider, Oddbjørn Jonsbråten og John Gunnar Akerø, var med oss, og det sette me stor pris på.

Konsertprogrammet var variert og vart ekstra krydra med John Gunnar Akerøs spel på "steeldrums" under framføringa av Jamaican folk suite. Underteikna veit faktisk ikkje kva instrumentet hans vert kalla - sjå bilete. Aksel Solvik-Olsen leia oss elegant og humoristisk gjennom programmet. Det var helsingstalar frå varaordfører Reinert Kverneland, NMF v/Siv Alina Fjermestad og Nærbø musikkorps v/Svein Inge Aarestad.