Til minne om Ingve

 

Ingve Serigstad (52) døydde 11.9.14 etter ei tids sjukdom og liv som vart for vanskelig. Ingve har vore medlem i Bryne musikkorps frå 1993 og trakterte stødig B-bassen vår både i korpset og i Gukkenheimer kameraden. Han var  ein av dei som utpeika seg ift musikalitet og musikkinteresse blant medlemmane våre, og han spelte fleire instrument og lærte seg å spela på det han hadde lyst til.  På piano var han dyktig og hadde fast oppdrag med å spela til allsangen under humanistisk konfirmasjon, og han koste seg og humra litt over teksten i programmet «Klaver: Ingve Serigstad». Ingve viste engasjement for korpset, og hadde mange idear for ting me kunne eller burde gjer. Så langt tilbake som underteikna har oversikt over var han med i styret som nestleiar frå 05-08, og som leiar i 2009 og 2010. 

Tankane våre går til Ingve sine 3 søner som han var så glad i og stolt av, og me føler med dei i sorga.